28 iyun 2023-cü il tarixində Astara Rayon Gənclər və İdman İdarəsinin təsdiq etdiyi əsasnaməyə uyğun olaraq Astara Dənizkənarı Park Bulvar Kompleksinin ərazisindəki Çimərlik Futbol meydançasında Vətən Müharibəsi şəhidlərinin xatirəsinə həsr olunmuş Çimərlik futbolu üzrə açıq Astara rayon turniri keçirilmişdir.
Tədbirdə Astara RGİİ-nin rəisi Rufan Şirinov, Vətən Müharibəsi veteranı Ələskər Əskərov, Vətən Müharibəsi qazisi İlham Əkbərov, “Azərbaycan Respublikasının Fəxri Bədən Tərbiyəsi və İdman işçisi”, yarışın baş hakimi Afət Əkbərov, Astara rayon Uşaq-Gənclər İdman-Şahmat Məktəbinin futbol üzrə məşqçisi Qəhrəman Mirzəyev çıxış etmişlər.
Yarışda 5 rayon komandası – Astaradan 2, İmişlidən 2, Beyləqan və Ağcabədidən 1 komanda olimpiya sistemi üzrə mübarizə aparmışlar.
Yekunda I yerə Astara komandası , II yerə İmişli- 2 komandası, III yerə Beyləqan komandası layiq görülmüşlər.
Fəxri yerləri qazanan komandalara, eləcə də fərqlənən “Ən yaxşı hücumçu”ya, “Ən yaxşı qapıçı”ya və “Ən yaxşı müdafiəçi”yə Astara Rayon Gənclər və İdman İdarəsinin, Çimərlik Futbol Federasiyasının kuboku, hədiyyələri və diplomları təqdim olunmuşdur.
