Astarainfo.az xəbər verir ki, Astarada üç kəndi birləşdirən Ojəkəran-Tüləgüvan-Təngərüd avtomobil yolunun tikintisinə artıq başlanılıb.
Uzunluğu 11 km olan Ojəkəran-Tüləgüvan-Təngərüd avtomobil yolu IV texniki dərəcəyə uyğun salınır. Burda layihəyə uyğun olaraq yol 2 hərəkət zolaqlı olmaqla ümumi eni 8 metr təşkil edir. Bura 6 metr hərəkət hissə və hər bir istiqamət üzrə 1 metr çiyinlər daxildir.
Hazırda yol boyu torpaq işləri görülür, yol yatağının inşası aparılır. Torpaq işləri zamanı zəruri olan yerlərdə yol yatağının yararsız qruntu qazılaraq kənara daşınır və əvəzinə yararlı material tökülərək yenidən kipləşdirmə aparılaraq bərpa edilir.
Torpaq işləri yekunlaşdıqdan sonra yol əsasının tikintisi işlərinə başlanılacaq. Yol əsasının inşası qum-çınqıl və optimal qırmadaş qarışığından aparılacaq. Daha sonra yola 2 qat olmaqla yeni asfalt-beton örtüyünün döşənməsi planlaşdırılır.
Hazırda yolun tikintisində 10 ağırtonajlı yükdaşıyan, 5 traktor, qreder maşınlar olmaqla 25 nəfər işçi işləyir.
Astara Suvarma Sistemləri İdarəsi rayonun 4519 ha suvarılacaq əkin sahəsinə xidmət edir. Astara Suvarma Sistemləri İdarəsinin əməkdaşları, mühəndisləri və texniki işçiləri 2024-cü il vegetasiya...