Bakı Boks Mərkəzində Azərbaycan boksunun banisi Abbas Ağalarovun xatirəsinə həsr olunan gənclər arasında ənənəvi beynəlxalq turnir keçirilmişdir. Turnirdə Azərbaycan, Rusiya, Özbəkistan, Qazaxıstan, Tacikistan, Səudiyyə Ərəbistanı yığmalarının və Litvanın “Royal” klubunun 97 idmançısı qüvvəsini sınamışdır. 5 gün davam edən yarışda qaliblər müəyyənləşmişdir.
Turnirdə rayonumuzun idmançısı, Astara Boks Mərkəzinin yetirməsi, Azərbaycan Milli komandasının üzvü Bilalhəbəşi Nəzərov (48 kq) bütün rəqiblərinə qalib gələrək qızıl medal qazanmış və beynəlxalq turnirin qalibi olmuşdur.
