Astarainfo.az xəbər verir ki, noyabrın 10-12-də Gürcüstanın Tbilisi şəhərində keçirilən Qarışıq Döyüş Növləri üzrə Dünya Kuboku yarışında Azərbaycan yığma komandasının tərkibində iştirak edən astaralı idmançılar Əlizadə Nurlan (55 kq) I yerə, Tarverdiyev Feyzulla (50 kq) II yerə layiq görülmüşdürlər.
İdmançıları yarışa Budo Döyüş növləri üzrə VI dan Qara kəmər ustası Ramiq Rəhmanov hazırlamışdır.
Noyabrın 13-də Astara rayon Gənclər və İdman İdarəsinin rəisi Ərçə Əliyev qalib idmançılar və məşqçi ilə görüş keçirmişdir. Ə. Əliyev idmançıları təbrik etmiş, gələcək yarışlarda onlara uğurlar arzulamışdır.
Sonda xatirə şəkilləri çəkilmişdir.
