Hindistanda soyuqlar nəticəsində bir gündə 40 nəfər ölüb

Hindistanın şimalındakı Uttar Pradeş əyalətində qeydə alınan anormal soyuqlar nəticəsində son sutka ərzində 40-dan çox adam ölüb.

APA-nın İANS agentliyinə  istinadən verdiyi xəbərə görə, əyalətin təxminən 200 milyon əhalisi var. Keçən həftə ərzində əyalətdə rekord soyuq qeydə alınıb. Bildirilir ki, yanvarın 5-dən indiyə qədər soyuq hava nəticəsində 143 nəfər dünyasını dəyişib. Onların arasında uşaqlar da var.

Məktəblər tətilə buraxılıb.

Meteoroloqlar mövcud hava şəraitinin daha iki gün davam edəcəyini proqnozlaşdırırlar.