Sərbəst güləş üzrəTürkiyınin Konya şəhərində keçirilən V İslam Həmrəyliyi Oyunlarında (9-18.08.2022) Azərbaycan yığma komandasının tərkibində Astara güləş məktəbinin yetirməsi Əliabbas Rzazadə 57 kq çəkidə bürünc medal qazanmışdır.
Əliabbas Rzazadə ilk görüşdə qırğızıstanlı Almaz Smanbekova (4:13) məğlub olub. Rəqib finala yüksəldiyi üçün həmyerlimiz təsəlliverici görüşə çıxıb və seneqallı Omar Fayeyə “tuşe” ilə qalib gələrək bürünc medal görüşünə vəsiqə qazanıb. Rzazadə 3-cü yer uğrunda tacikistanlı Hikmətulla Vahidovla qarşılaşıb. Gərgin keçən qarşılaşmada 8:7 hesablı qələbə qazanan Əliabbas bürünc medala sahib olub.
Xatırladaq ki, məşhur idmançımız əvvəlki illərdə dəAzərbaycan bayrağını zirvələrə ucaltmışdır.Belə ki,Sərbəst güləş üzrə 23 yaşadək güləşçilər arasında Dünya çempionatında ( Belqrad,Serbiya,1-5.11.2021) 57 kq çəkidə qızıl medal, Sərbəst güləş üzrə 23 yaşadak güləşçilər(U-23) arasında Avropa çempionatında (17-23 may 2021, Skopye,Şimali Makedoniya) 57kq çəkidəgümüş medal, Sərbəst güləş üzrə Avropa çempionatında (Budapeşt, Macarıstan, 28-30.03.2022) gümüş medal, Sərbəst güləş üzrə gənclər arasında Avropa çempionatında (24-27-iyun 2016,Buxarest,Rumuniya) 50 kq çəkidə bürünc medal və Sərbəst güləş üzrə gənclər arasında Dünya çempionatında (01-03 sentyabr 2016,Makon,Fransa) 50 kq çəkidə bürünc medal qazanmışdır.
Əliabbas Rzazadənin şəxsi məşqçisi məşhur astaralı idmançı, 2 qat Avropa çempionu, Dünya birinciliyinin bürünc mükafatçısı, ”Azərbaycan Respublikasının Əməkdar məşqçisi”, beynəlxalq dərəcəli idman ustası,hazırda Astara Olimpiya İdman Kompleksinin direktoru Aslan Ağayevdir.
İdmançımızı və onun məşqçilərini təbrik edir, yeni zirvələr arzulayırıq.
